..فاكر وانت صغير مستني الصيف عشان تنزل البحر بالعوامة وتاكل آيس كريم من الراجل اللي بيعدي عليك في البحر .. وتبقى مجهز الجردل والجاروف وأول ما والدك يقولك يلا .. تقول هيييييييييه ؟!
)
فاكر لما كبرت شوية وجبت مجموع عالي في المدرسة وطالع بتجري على البيت عشان تقولهم .. والحاج يجيبلك هدية ؟!
)
فاكر كاس العالم للشباب ؟! .. لما مصر طلعت التالت .. وكنا بننزل القهاوي والكافيهات كلنا نتفرج على الماتش ..... ونبقى قاعدين لآخر لحظة ولما الماتش يخلص كلنا نحضن بعض ونهيص ويبقى فرح في الشوارع ؟
)
وفاكر كاس أفريقيا ؟!
وفاكر فرحتك بمجموعك في الثانوية ؟!
وفاكر دخولك الكلية ؟!
وفاكر نتيجة سنة أولى وسجدة الشكر الطويلة إنك ما سقطتش ؟!
)
وفاكر يوم تخرجك ؟!
وفاكر خطاب التنحي ؟! وفرحة المصريين في الشوارع ؟!
كل ده الواحد بيحس بيه النهاردة .. وأكيد مصر كلها حاسة بيه وهي رايحة تنتخب
ربنا يولي علينا الأصلح إن شاء الله ..
ومهما كانت النتيجة فيا ريت كلنا نفتكر إننا في سفينة واحدة .. ولازم نتعاون كلنا عشان نوصل لبر الأمان
موضوع: فاكر و انت صغير ؟!! 
20/06/12, 10:41 pm
ونحن صغار 
>
