نتعامل صح !
يا تري هنتعامل مع مين في الموضوع ده
هنتعامل مع البشر كلهم
والدي ووالدتي وأخي وأختي وقرايبي وأصحابي
" أحبابي في الله "
حياتنا مش بتخلوا من تعاملات !
تعالوا ناخد إضاءة علي التعاملات قبل ما نبدأ
التعاملات دي بتفرق في حياتنا خاااالص
ممكن تخليك حاسس بسعادة لا يتخليها أحد
وتشعر إنك قريب من ربنا أووووي
الناس ممكن تخلي مكانتك عند ربنا عالية أوووي
ممكن تقولي لا مش ممكن
هقولك لا ممكن
تعاملنا مع البشر
وإننا نصبر علي أذاهم ونعمل اللي يرضي ربنا معاهم
حتي لو هما بيعاملونا معاملة سيئة
حتي لو بنتعب معاهم
فأجرنا كبير أوي بإذن الله
شوف الحديث ده كده
عَنْ ابْنِ عُمَرَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( الْمُؤْمِنُ الَّذِي يُخَالِطُ النَّاسَ وَيَصْبِرُ عَلَى أَذَاهُمْ أَعْظَمُ أَجْرًا مِنْ الْمُؤْمِنِ الَّذِي لَا يُخَالِطُ النَّاسَ وَلَا يَصْبِرُ عَلَى أَذَاهُمْ )
ده كمان الإنسان اللي بيتمني الخير للناس دايما ومش بيحمل حقد ولا غل ولا
أي شئ
منزلته عالية أوي
في قصة جميلة أوي علي أيام الصحابة
فيما معناها
الرسول عليه الصلاة والسلام والصحابة كانوا قاعدين في مرة
فالرسول عليه الصلاة والسلام
قالهم هيخرج عليكم دلوقتي رجل من أهل الجنة
وتكرر الموقف ده 3 مرات لنفس الرجل
فعبد الله بن عمرو بن العاص رضي الله عنه قال انا لازم أعرف الرجل ده بيعمل إيه
فراحله وقاله انا زعلان مع أبي وعايز أبات عندك 3 ليالي ممكن تسمحلي
قاله الرجل بالتأكيد تفضل
فعبد الله بن عمرو في 3 ليالي دول لقي الرجل مش بيعمل حاجة زيادة عن الفروض
لا بيقيم الليل ولا بيصوم النهار
فقرر يصارحه بالحقيقة ويسأله
فقاله انا بصراحة مش زعلان مع والدي ولا حاجة
ده انا شوفت الرسول عليه الصلاة والسلام بيشهدلك3 مرات إنك
هتدخل الجنة
فكنت عايز أعرف إيه العمل اللي إنت بتعمله علشان توصل للمنزلة دي
فقاله هذا ما تراه إلا انني لا احمل في قلبي شيئا على احد ،
فقال له ابن عمرو هذه هي التي بلغتك وهي التي لا نطيق
يعني بينام وهو مسامح كل الناس خاااااااالص ولا بيحمل حقد ولا غل وبيتمني الخير للكل
يااااااه شفت بس تمني الخير للناس بس ومسامحتهم مهما عملوا بتعمل إيه
فإخوانا المسلمين بيأثروا في حياتنا كتييييييير
وممكن يغيروا في منزلتك ومكانتك من غير ما تتعب ولا تجتهد
في حديث جميل جدااا
حَدَّثَنَا هِشَامُ بْنُ عَمَّارٍ , حَدَّثَنَا يَحْيَى بْنُ حَمْزَةَ , حَدَّثَنَا زَيْدُ بْنُ وَاقِدٍ ,حَدَّثَنَامُغِيثُ بْنُ سُمَيٍّ , عَنْ عَبْدِ اللَّهِ بْنِ عَمْرٍو , قَالَ : قِيلَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ : أَيُّ النَّاسِ أَفْضَلُ ؟ قَالَ : " كُلُّ مَخْمُومِ الْقَلْبِ صَدُوقِ اللِّسَانِ " , قَالُوا : صَدُوقُ اللِّسَانِ نَعْرِفُهُ , فَمَا مَخْمُومُ الْقَلْبِ , قَالَ : " هُوَ التَّقِيُّ النَّقِيُّ , لَا إِثْمَ فِيهِ , وَلَا بَغْيَ , وَلَا غِلَّ , وَلَا حَسَدَ " .
يااااااااه أد إيه دينا يسر أوووي
وأد إيه قلبنا بس ممكن يخلينا نطير ونرتقي في درجتنا من غير حتي جهد
ومش عايزين الناس تنعزل وتزعل من الناس وتسيبها
"الناس اللي بتساعدك علي الخير "
وعلشان نتعلم كتير في حياتنا
فعلشان علاقتنا بالناس مهمة أوووي
فبإذن الله في الموضوع ده
هنعرف نتعامل مع كل شخص في حياتنا إزاي بإذن الله
موضوع: (هي التي بلغتك وهي التي لا نطيق) 
02/02/12, 08:56 pm
